Waxyaabaha laga qaban doono suuqa shaqada:

• Ku ogoow xirfadaha kugu habboon tijaabada doorashada xirfadda
• Talooyin iyo tabo ku saabsan CV-gaaga oo ay bixinayaan khubaro CV-ga ah
• Ka sameyso sawir profile xirfadeed
• Ka hel shaqadaada riyada gidaarka shaqooyinka bannaan
• Iska diiwaangeli hay’ad shaqaaleysiineed
• Aqoon-isweydaarsiyo iyo tababaro kaa caawinaya helista shaqo
• La xiriir loo-shaqeeyayaasha

 

Aqoon-isweydaarsiyo

Aqoon-isweydaarsiyada waa inaad iska diiwaangelisaa. Diiwaangelintu waxay furan tahay ilaa 18-ka Maajo.
Hoos ka akhriso aqoon-isweydaarsiyada aad iska diiwaangelin karto.

 

13.15 – 14.45 Aqoon-isweydaarsi 1. ‘Baro sidaad isu soo bandhigi lahayd’. (buuxsamay)

”Wax yar iga sheeg”. Tani waa su’aal aad inta badan maqasho marka aad shaqo raadinayso. Waxaa muhiim ah inaad ogaato waxaad ka sheegi karto naftaada. Aqoon-isweydaarsigan waxaad ku baranaysaa sidaad si wanaagsan isu soo bandhigi lahayd.

14.00 – 15.30 Aqoon-isweydaarsi 2. ‘Sidee loo shabakadeeyaa’.

Suuqa shaqada; sidee buu u shaqeeyaa oo sidee loo wajahayaa? Waa maxay shabakadeyntu? Maxay yihiin waaya-aragnimadu? Maxay ka kooban tahay shabakadaadu oo sidee loo ballaarin karaa? Sidee hadda si wax ku ool ah wax looga qaban karaa? Aqoon-isweydaarsigan waxaad ku heli doontaa sharaxaad ku saabsan shabakadeynta. Iyo dhowr hawlood oo aad si wadajir ah u qaban doontaan. Waxaad gurigaaga ku laaban doontaa adigoo wata talooyin/qalab wax ku ool ah oo aad shabakadaada ugu adeegsan karto raadinta shaqo.

14.30 – 16.00 Aqoon-isweydaarsi 3. ‘Hagidda suuqa shaqada ee Holland’: Soo hel kartidaada (buuxsamay)

Qof kasta wuxuu ku dhashay kartiyo kala duwan; nasiib darro, mar walba ma ogaanno waxa ay yihiin kartiyadeenu, sababtoo ah inta badan wax yar ayaan fiiro gaar ah u siinnaa waxyaabaha noo fudud. Hase yeeshee, waxaa muhiim ah inaad ogaato waxaad ku fiican tahay iyo waxa tamar ku siiya! Aqoon-isweydaarsigan waxaan si degdeg ah ugu raadin doonnaa kartidaada. Waxaan eegi doonnaa wixii hore, hadda, iyo mustaqbalka: sidee ayaad kartidaada ugu adeegsan kartaa raadinta shaqo ku habboon?

15.00 – 16.00 Aqoon-isweydaarsi 4. ‘U diyaar garowga wareysiga shaqo’.

Wareysiyada shaqadu mararka qaarkood si yaab leh ayay u dhici karaan. Hal wareysi waxaa laga yaabaa in lagu weydiiyo geesigaaga aad jeceshahay, mar kale waxaad ku dhici kartaa wareysi adag. Wareysiyada shaqadu inta badan waa kuwo walaac leh oo aan la saadaalin karin. Sidee ayaad ugu diyaar garowdaa? Aqoon-isweydaarsigan waxaad ku baranaysaa sidaad isu diyaariso.